Partia CDU e udhëhequr nga Kancelarja gjermane Angela Merkel, publikoi posterat e saj zgjedhorë që dalloheshin për frymë kombëtare. Kjo zgjedhje synon të frenojë të djathtën esktreme në zgjedhjet parlamentare të muajit shtator.
Në vend të portokallisë, si ngjyra tradicionale e CDU, këtë rradhë ishin e zeza e verdha dhe e kuqja, tre ngjyrat e flamurit gjerman që dominonin të gjitha materialet promocionale zgjedhore të Kristian Demokratëve Gjermanë. Kjo zgjedhje konsiderohet si simbolike në një vend ku, për shkak të së kaluarës së luftës së dytë botërore, simbolet kombëtare shfaqen kryesisht në eventet sportive.
CDU shkruan në faqen e saj zyrtare në internet se fushata do të jetë: “kombëtare, e hapur dhe bashkëkohore”, dhe bën të ditur se do të printohen qindëra mijëra postera të tillë.
Ndërkohë, sekretari i përgjithshëm i partisë Peter Tauber, në një intervistë për “Financial Times”, tha se kjo fushata do të jetë “më kombëtare” se fushatat paraardhëse. “Jetojmë në një epokë të forcimit të populizmit të djathtë dhe s’duam t’ua lëmë atyre nacionalizmin” u shpreh Tauber.
Angela Merkel synon të fitojë një mandate të katërt qeverisës ndërsa sondazhet e para zgjedhore publikohen tre muaj para zgjedhjeve.
Slogani i zgjedhur prej saj për këtë fushatë është “Për një Gjermani me më shumë Mirëqënie”.
Sipas Tauber, mesazhi i Merkelit synon “forcimin e besimit në një periudhë të trazuar” pas vendimit të Britanikëve për të dalë nga bashkimi Europian dhe shfaqjes së populizmit.
Siguria dhe forcimi i familjes duket se do të jenë gjithashtu dy nga pikat e forta të fushatës së Merkel./tesheshi.com/
