Kur kanë mbetur edhe pak ditë nga seanca plenare ku do të votohet për Demarkacionin me Malin e Zi, po kryhen lëvizjet e fundit, sidomos nga kahja e pushtetit, për të bindur të lëkundurit, apo ata që të cilët janë shprehur paraprakisht për një votë “kundër”, që atë ditë të votojnë “pro”.
Sipas një foto dhe një informacioni të siguruar nga tesheshi.com, një përpjekje të tillë po bën dhe kreu Partisë së Drejtësisë, Ferid Agani, aleat në qeverisje, i cili ka realizuar një takim në Gjilan me deputeten e partisë së tij, Labinotë Demi Murtezi, pikërisht për të marrë prej saj votën “pro” atë ditë.
Flitet se dhe vetë Agani është nën presionin e Thaçit, për të siguruar të gjitha votat e partisë së tij “pro” Demarkacionit.
Për momentin, Agani nuk është në qeveri, pasi me një akt parimor e moral ka dhënë dorëheqje për shkak se është nën gjykim për një çështje.
Ndërsa Labinotë Demi Murtezi, njihet gjithashtu për qëndrime më shumë konsistente se partiake në politikë, pavarësisht situatave.
Por në rastin e votimit të Demarkacioni, që të dy janë në “provën e zjarrit” mes parimeve politike dhe interesit ngushtësisht politik. /tesheshi.com/
