Jorida Tabaku, deputetja ekonomiste e PD-së, është një nga më aktivet e opozitës për çështjen e Teatrit, duke kaluar pra dhe te kauzat me theks kulturor dhe trashwgimor .
Znj. Tabaku, në rrjete sociael ka ofruar shpesh dokumente të vjetra pronësie por edhe me shembuj analogjik nga bota, për të mbrojtur argumentin që mbron mosprishjen e Teatrit Kombëtar.
Megjithatë, në një nga postimet e fundit Tabaku ka shkaktuar një lapsus enciklopedik, kryesisht me njohuritë e saj për kinemanë italiane.
Duke publikuar fotot e një kinemaje në qytetin më të madh të veriut të Italisë, Tabaku shkruan:
“Kjo ndërtesë është kinemaja e parë në Milano. Një godine 101-vjeçare që të kujton ‘Cinema Paradiso’-n e Bertoluccit. Ajo vazhdon të ruhet dhe është pjesë e pandarë e një qyteti që është kthyer në metropol dhe që është pasuruar me kinema të tjera pa u prekur historia dhe tradita.
Fatkeqësisht Shqipëria dhe Tirana nuk e kanë këtë fat…”
Por në fakt, Cinema Paradiso-n nuk e ka realizuar Bernardo Bertolucci por Giusepe Tornatore, madje ka marrë edhe Oscar.
Bertolucci u bë i famshëm në vitet ‘80 edhe në Shqipëri për filmin “Tango e fundit në Paris”, e cila edhe u kritikua për tepri në skenat erotike. /tesheshi.com/
