Pas afro 2 javësh, në Shqipëri pritet të nisë një tjetër fushatë për “kuponin tatimor”, si ajo që startoi kohë më parë, prej së cilës u krijuan dhe situata esktreme deri dhe qesharake.
Kjo fushatë e pritshme është bërë me dije nga ministri i Financave, Arben Ahmetaj, gjatë një takimi me administratën tatimore dhe median, në kuadër të vijimit të aksionit kundër informalitetit.
“Kuponi garanton luftën kundër varfërisë dhe pabarazisë”, tha kreu i Financave shqiptare, që më pas prezantoi edhe një spot që tregon rëndësinë e kuponit.
Ahmetaj më pas ngriti shqetësimin për numrin e kasave mostransmetuese. Dhe sipas tij ky numër është akoma shumë i madh, gjë që inspektorët do ta verifikojnë në terren nëse është situatë evazioni apo situatë teknike, megjithëse ministri shprehu bindjen se është evazion.
Po ashtu, Ahmetaj tha se avën e ardhshme, qeveria pritet të miratojë dhe dërgojë për shqyrtim në Parlament draftligjin “Për procedurat tatimore”, në të cilin janë propozuar thjeshtime të procedurave tatimore e doganore. /tesheshi.com/
