Një kontigjent prej 10 deputetësh ga radhët e PD-së, kanë zbritur në terren në Kavajë, në parapërgatitje për protestën e paralajmëruar të 7 majit, ditës kur në këtë qytet do të zhvillohen zgjedhjet e pjesshme lokale për kreun e ri të bashkisë.
Pra, PD nuk do mjaftohet vetëm me bojkotin e tyre por dhe me protestë, duke pretenduar se kandidati socialist është një mëkëmbës i Rroshit, të cilit iu hoq mandati nga KQZ.
Luçiano Boçi, një nga pjesëmarrësit në dërgatën e deputetëve që kanë si mision mobilizimin e elektoratit, tha se nuk do tentohet pengimi i njerëzve për të votuar, por do ketë vetëm thirrje për të mos votuar.
Kavaja përbën bastionin kryesor të humbur nga PD vitet e fundit, ku nga ky qytet që në zgjedhjet lokale të vitit 2011, vota shkoi për PS-në. /tesheshi.com/
