Muharrem Rama, doktor kirurg, do të jetë sfidanti karshi Sherefedin Shehut në garën e pritshme për Bashkinë e Dibrës. Ai është zgjdhur këtë të dielë edhe zyrtarisht si njeriu që do rivalizojë Shehun e PD-së në zgjedhjet e pjesshme të 11 shtatorit.
Kandidatura e tij është konsideruar si më e gjetura në radhët e së majtës, për të bërë të mundur mbajtjen e kësaj bashkie pas proçkës së ish-kreut të saj, Shukri Xhelili.
Një ditë më parë, i dërguari i PD-së në Peshkopi për të prezantuar kandidatin Shehu, Edi Paloka, tha se humbjen PS-së ia ka vulosur Shukriu, pra shija e tij e hidhur që ka lënë në elektorat, por doktor Muharrem Rama përbën një kundërshtar jo të lehtë.
Për avantazh nga Shehu, Rama është djalë qyteti me mjaft reputacion.
Kjo dhe për shkak të të qënit të tij doktor, duke patur kontakte me shumë njerëz. /tesheshi.com/
