Beteja e radhës për bashkitë, ajo ku drejtuesit aktualë nga opozita nuk pranojnë t’u lëshojnë zyrat atyre nga mazhoranca të dalë nga zgjedhjet e 30 qershorit, u zhvendos nga Devolli në Kavajë. Aty, përkrahës të opozitës, por dhe vetë kreu Isa Sakja, nuk pranojnë që t’ia dorëzojnë bashkinë njeriut të 30 Qershorit.
“Eshtë një ditë normale pune”, “unë jam e do jem në zyrë”, është shprehur Sakja për TCH.
Por nga ana tjetër, pak kilometra me tutje, njeriu që përfaqësonte PDIU-në në drejtimin e qytetit, sipas fjalëve të prefektes së Qarkut, e ka dorëzuar normalisht punën.
“Falenderoj Beqir Nuredinin për dorëzimin e detyrës në mënyrë procedurale. Të njëjtën gjë do të doja edhe për Isa Sakjen për të dhënë shembullin se dimë të veprojmë si qytetar”, tha Suzana Jahollari, Prefektja e Tiranës. /tesheshi.com/
