Prishja e gjithë ndërtimeve në zonën e “Astirit”, që do ta zhbllokojnë trafikun e rënduar të Tiranës, nisi me reagime të dhunshme të protestuesve, dhe vijoi me arrestimin e dhjetëra prej tyre.
Realizimi i projektit për Unazën e Madhe, ka nisur pasi që të gjitha familjet kanë marrë kompensimin sipas ligjit.
Në zonën e “Astirit” ka shkuar edhe ish-deputeti i Partisë Demokratike Klevis Balliu, i cili ka ndjekur vazhdimisht nga afër protestat e këtyre banorëve.
Por veprimi i policisë e ka penguar presidentin e vendit, Ilir Meta, i cili përmes rrjeteve sociale u shpreh i pakënaqur me zbatimin e detyrës nga ana e forcave të ligjit, duke pretenduar se “dhuna” ndaj protestuesve është e pa tolerueshme.
“E papranueshme dhuna e përsëritur sot ndaj banorëve të Unazës së Re, të cilët protestojnë në mbrojtje të shtëpive dhe të pronave të tyre.
Arroganca përballë mjerimit dhe traumës që po u shkaktohet këtyre familjeve për muaj të tërë është e pa tolerueshme.
Banorët të ruajnë qetësinë dhe të mos bien pre e provokimeve dhe palët të ulen menjëherë në dialog.
U uroj shërim të shpejtë të gjithë të plagosurve.”
/tesheshi.com/
