Beteja mes mazhorancës dhe opozitës jashtëparlamentare PD-LSI për 30 qershorin, po jep shenjat e para në rastin e KZAZ-ve. Në fillim në Shkodër e më pas në Tropojë, aty ku dy bashkitë drejtohen nga PD, është tentuar që forcërisht të mos lejohen KZAZ-të e destinuara për zgjedhje, me arsyetimin e ç’dekretimit të tyre nga presidenti Meta.
Siparin e kësaj përplasjeje e ka hapur Voltana Ademi, kryebashkiakja e Shkodrës, njëherësh njeriu që është fërkuar më së shumti politikisht me Ramën. Ajo ka urdhëruar Policinë Bashkiake që të mbyllë KZAZ-në qytetit, duke bërë që të ketë përplasje me Policinë e Shtetit.
Ngjashë është vepruar dhe në Tropojë, ku atje madje, zyrtarë të PD-së kanë mësyrë në KZAZ duke keqtrajtuar dhe materialin zgjedhor.
Kështu, nis me incidente beteja për 30 qershorin, ku njëra palë politike bëhet gati për zgjedhje, e tjetra jo. Por jo vetëm kaq; për t’i penguar ato, pasi dhe i ka bojkotuar. /tesheshi.com/
