Klubi italian Udinese do të ndalojë përgjithmonë nga stadiumi tifozët që ofenduan në mënyrë raciale portierin e Milanit, Mike Maignano, në ndeshjen e fundit të ligës.
Ndeshja e xhiros së 21-të të Serisë A italiane në Udine u ndërpre dy herë për shkak të sjelljes vulgare të një pjese të vogël të huliganëve vendas që ofenduan portierin e Milanit. Për shkak të kësaj, Maignan dhe pjesa tjetër e bashkëlojtarëve të tij nga Milani, u larguan nga fusha.
“Hetimi është në vijim, po kërkojmë personat përgjegjës për ngjarjen dhe mund të jenë dy, tre apo katër persona. Nuk ka patur thirrje të përgjithshme dhe nuk është vënë re as nga prokuroria”, njofton klubi, duke njoftuar se fajtorët do të dënohen me ndalim të përjetshëm për të hyrë në stadium.
Është një vazhdimësi e luftës kundër racizmit në fushat e futbollit në mbarë botën dhe Seria A pati një tjetër rast të tillë në javën e fundit. Në Salerno, ku Genoa mundi Salernitanën, tifozët vendas hodhën sende të ndryshme drejt lojtarëve mysafirë gjatë festës së golit të tyre. Ato fluturian drejt disa prej lojtarëve me origjinë afrikane.
Infantino kërcënon të heqë pikë
Ndërkohë foli edhe presidenti i Federatës Ndërkombëtare të Futbollit (FIFA), Gianni Infantino, i cili sugjeroi zbritjen automatike të pikëve nga skuadrat, tifozët e të cilave përhapin racizëm gjatë ndeshjeve.
“Përveç procesit me tre hapa (ndeshja u ndal, loja u ndal përsëri, loja u braktis) ne duhet të ndëshkojmë automatikisht ekipin, tifozët e të cilit u sollën në mënyrë raciste dhe shkaktuan ndërprerjen e ndeshjes”, ka shkruar Infantino.
Sipas propozimit të tij, do të pasonin pezullime të stadiumeve dhe akuza penale kundër racistëve. /tesheshi.com/
