Edhe pas humbën 30 qershorin, opozita PD-LSI ka vendosur ta vijojë betejën e saj, pikërisht me ata që ia pamundësuan triumfin: ndërkombëtarët. Kreu demokrat Basha tha se nuk e njeh 30 qershorin si datë zgjedhjesh, ç’ka është një paralajmërim se rezistenca e radhës do jetë pas disa javësh kur të vijë momentin që kryebashkiakët opozitarë të lënë zyrtar.
Referuar Kodit Zgjedhor ata duhet t’i lënë pas afro nja muaji, kur dhe përfundon mandati i të gjithëve, gjë që ligjërisht nuk ndikohet nga asnjë vendim i kreut të shtetit që ka anolluar një datë e ofruar një tjetër.
“Opozita nuk i njeh votimet e 30 qershorit dhe nuk ka për t’i njohur. Këtë gjë e vendosën vetë shqiptarët më 30 qershor, në shumicë dërrmuese”, tha Basha, duke iu referuar kështu një perceptimi politik e jo dekreteve e çdekreteve të Metës, gjë të cilën e bën brenda të njëjtës deklaratë.
“30 qershori ishte jo vetëm veprim anitkushtetues dhe antidemokratik, por edhe një veprim me kosto politike e shoqërore që dëmton direkt interesat e qytetarëve”, shtoi kreu demokrat.
Ndërkohë, në çertifikimin që ndërkombëtarët i kanë bërë 30 qershorit, nuk kanë harruar të thonë se “të zgjedhurit e rinj duhet të nisin punën”, që do të thotë se nuk do lejojnë akte moslëshimi zyrash. /tesheshi.com/
