Ministri në detyrë për Evropën dhe Punët e Jashtme në qeverinë e Shqipërisë, Gent Cakaj, ka shkarkuar Rrahim Pacollin nga pozita e Konsullit të Nderit të Shqipërisë në Kosovë.
Lajmi vjen pas disa ditë paralajmërimesh nga ana e Cakajt lidhur me reformën e paralajmëruar në shërbimin diplomatik.
Shkarkimi i Rrahim Pacollit, njeri i njohur nga bota e biznesit dhe politikës, erdhi pasi është vlerësuar se ai në cilësinë e konsullit nuk i plotëson kriteret e bartësit të imazhit të Shqipërisë.
Cakaj gjithashtu ka nisur edhe procesin e Konsujve të nderit të tjerë në Kosovë, e që gjithsejt janë pesë (5) të tillë. Mbetet të shihet se si do të përfundojnë konsujt e tjerë, e ndër ta edhe Blerim Devolli, njeri i njohur i biznesit në Kosovë, i përfolur edhe për ndikime politike. /tesheshi.com/
