Ndërsa kreu demokrat Basha vijon të denoncojë atë që e konsideron “braktisje të qeverisë ndaj biznesit në kohë krize”, kreu i qeverisjes Rama ka vendosur që t’i kundërpërgjigjet me video-fakte, që sipas tij dekonstruktojnë gënjeshtrat e njeriut që udhëheq opozitën. Së fundi, Rama ka përzgjedhur disa takime të Bashës me biznese, që, ndërsa thuhet, prej tyre apo atyre, se nuk kanë marrë asnjë ndihmë nga qeveria, shefi i kësaj të fundit iu përgjigjet me të dhëna konkrete.
“Të qeshës e mos qash dot”, është diçitura e njërës prej tyre:
https://www.facebook.com/edirama.al/videos/605976636997384/?t=8
Megjithatë, Basha vijon takimet e tij në kohë krize, duke ndërtuar një kauzë ekonomike ankesat e grupimeve të ndryshme shoqërore në terren.
“Në Berat takova dhjetra fermerë që më treguan për shqetësimet e tyre dhe vështirësitë që përballen çdo ditë.
Janë familje që me punën në bujqësi nxjerrin të ardhura për të mbajtur familjet e tyre. Pandemia e ka thelluar krizën dhe karantina ju shkaktoi një dëm të madh duke i detyruar të hedhin prodhimet e tyre që nuk kishin mundësi t’i nxirrnin në treg. Qeveria i braktisi në ditë të vështira ndërsa për 7 vite me radhë ua shtoi faturat dhe hallet duke ua bërë të pamundur mbijetesën.
Fermerët kudo në Shqipëri ndiejnë sot më shumë se kurrë harresën e qeverisë dhe moskujdesin ndaj agrobiznesit.
Asnjë subvencion për produktet e tyre, ndërkohë që çmimet janë rritur e nafta është më e shtrenjta në rajon.
RAMAVIRUSI nuk mund t’i mbulojë dështimet e tij fatale për bujqësinë me gënjeshtrat e dala boje.
Ne kemi një plan të detajuar për t’a nxjerrë bujqësinë nga kriza e për t’a shndërruar në një sektor fitimprurës për fermerët dhe vendin.
Do t’a nisim me mbështetje direkte për çdo fermer në bazë të prodhimit, me uljen e çmimit të naftës, lehtësimin e aksesit në treg, heqjen e monopoleve që vdesin konkurrencën dhe mbështetje të prodhimit vendas.
Bashkë do t’i japim shqiptarëve një qeveri normale që garanton shanse të barabarta për ta dhe normalitet e punësim”.shkruan kreu demokrat /tesheshi.com/
