Drogë kapet, por kokat e trafikut ku janë?
Kjo ishte ajo çka nuk i ngrohë aspak njerëzit në luftën e pretenduar anti-drogë të qeverisë, siç nuk i ngrohu por i la me shumë dyshimë gjatë operacionit gjigand në Lazarat. Por së fundi, kryeministri Rama ka premtuar se nuk do ketë më koka që nuk kapen bashkë më drogën. Ai ka paralajmëruar një aksion të madh policor, pikërisht për të bërë të mundur më në fund bërjen zap të atyre që drejtojnë trafiqet.
“Policia të përgatitet për një operacion të madh kombëtar ndaj elementëve kriminalë. Përplasje pa kompromis që duhet të fillojë me të gjithë elementët shqetësues të rendit publik. Është koha për të pastruar Shqipërinë jo vetëm nga kanabisi, por edhe nga këto mikrobe të gjalla që kërcënojnë sigurinë e njerëzve të zakonshëm të këtij vendi”, tha Rama gjatë një takim me Task-Forcën anti-kanabis.
Sipas tij, beteja anti-kanabis do të shtrihet deri tek pronat e siguruara me para droge.
“Lufta në këtë front do të përshkallëzohet në kuadër të parave të krimit dhe aseteve kriminale”, tha Rama. /tesheshi.com/
