Ministrja e re e Drejtësisë në Austri, boshnjakia muslimane Alma Zadiç, po përballet me një reagim të ashpër politik pas tha se është në favor të ndarjes së fesë dhe shtetit. Ajo mori pjesë në një debat publik mbi simbolet fetare në institucionet publike, duke thënë se po mbronte një qasje laike ndaj shtetit dhe pa simbole fetare. E megjithatë, Zadiç tha se qe e ndërgjegjshme për faktin se mendimi i saj nuk mund të gjente përkrahjen e shumicës në Austri.
Ishte partia neofashiste FPO, përkatësisht liderit të saj Norbert Hofer, i cili i tha se Zadiç “me siguri po synon kryqet tona dhe në rast se OVP (Partia Popullore) i dorëzohet partnerit të koalicionit, me këto qëndrime (të anëtarëve të saj) nuk premton ndonjë të mirë për të ardhmen”.
Hofer i kërkoi Partisë Popullore në pushtet dhe kancelarit Sebastian Kurz të bënte një deklaratë të qartë për “kryqin në klasa, salla gjyqi dhe majat malore”.
Disa vjet më parë, Kurz, teksa qe ministër i Jashtëm i Austrisë, tha se “kryqet në klasa nuk do të vihen në dyshim, pasi ato janë pjesë e kulturës historike të Austrisë”.
Alma Zadiç është e para grua e ardhur nga shtresa e emigrantëve e cila u emërua në një post ministror në Austri.
Edhe për këtë arsye, ajo është ekspozuar ditët e fundit nga sulmet e dhunshme raciste në mediat sociale. /tesheshi.com/
