Në një letër drejtuar liderëve botërorë që marrin pjesë në Forumin Ekonomik në Davos, Zvicër, më shumë se 200 milionerë kërkuan taksa më të larta për të pasurit ultra të pasur, pra veten e tyre.
Letra, e publikuar të mërkurën në faqen e internetit costofextremeëealth.com, u nënshkrua nga milionerë nga 13 vende.
Letra është një apel për liderët botërorë për të vendosur një taksë për super të pasurit.
“Ju, përfaqësuesit tanë në botë, duhet të na taksoni ne ultra të pasurvë dhe duhet të filloni menjëherë. Është një investim në të mirën tonë të përbashkët dhe një të ardhme më të mirë që ne të gjithë e meritojmë dhe si milionerë”, thonë ata.
Sipas të dhënave të organizatës joqeveritare Oxfam, më të pasurit në botë kanë rritur pasurinë e tyre me 50 për qind në dekadën e fundit.
Mes nënshkruesve të letrës janë aktori amerikan Mark Ruffalo dhe producentja amerikane Abigail Disney, stërmbesa e Walt Disney.
Në vitin 2022, milionerët iu drejtuan krerëve të shteteve dhe qeverive në Davos me një letër të ngjashme. /tesheshi.com/
