Burimet ruse pohojnë se presidenti sirian, Beshar Esad, u takua të martën në mbrëmje në Moskë me homologun e tij rus, Vladimir Putin, në një vizitë të jo të lajmëruar më herët.
Mbi vizitën njoftoi zëdhënësi i Kremlinit, Dmitry Peskov, i cili u tha gazetarëve se Putini dhe Esadi biseduan mbi ofensivën ushtarake të Rusisë në Siri, por nuk sqaroi nëse presidenti sirian gjendet ende në Moskë.
Ka qenë presidenca siriane ajo që ka deklaruar sot se Esadi ndodhet aktualisht në Damask.
Regjimi i Beshar Esadit duket se ka marrë frymë pasi rusët nisën sulmet ajrore mbi hapësirën siriane. Në pjesë të caktuara të vendit ka ofensiva të ushtrisë së Esadit, të përforcuara nga sulmet e avionëve rusë.
Sulmet ruse nuk janë pritur mirë nga vendet perëndimore, dhe ka akuza se në shënjestër kanë kundërshtarët e moderuar të regjimit.
Një zhvillim domethënës ishte marrëveshja e djeshme ndërmjet Rusisë dhe SHBA-ve për koordinim në sulmet ajrore, me qëllimin parësor për të shmangur incidentet. /tesheshi.com/
