Një ndër krerët e Lëvizjes BESA në Maqedoni, Zejd Rexhepi, ka denoncuar atë që konsiderohet një manipulim i listave zgjedhore, e për pasojë, u ka kërkuar ndërkombëtarëve që mos bëhen dhe ata pjesë e këtij manipulimi. Më anë të një statusi në FB, Rexhepi ka kërkuar dhe një tjetër marrëveshje si ajo e Përzhinos, me numrin 3, e cila sipas tij duhet më parë të përcaktojë parimin themelor të ekzistimit të shtetit maqedon.
Statusi i Rexhepit:
MATEMATIKA E LISTAVE “FIKTIVE” ËSHTË SHUMË E THJESHTË
Nëse nga 39.502 qytetarë fiktivë (inskzistentë), brenda 20 ditëve së paku 8.922 kanë dëshmuar se nuk janë fiktiv, kjo i bie që KSHZ-ja (Komisioni Shteteror Zgjedhore), Kuvendi i RM-së, liderët e katër partive parlamentare dhe përfaqësuesit ndërkombetarë në Përzhino, kanë bërë së paku 8.922 gabime KUSHTETUESE, osë thënë ndryshe, këto janë së paku 8.922 arsye që KSHZ-ja të japë dorëheqje, Kuvendi i RM-së t’i tërheq vendimet, partitë parlamentare shqiptare të zëvendësohen me përfaqësuesit legjitim të shqiptarëve (Lëvizja BESA), ndërsa ndërkombetarët të korrigjohen dhe të fillojnë bisedime të reja (Përzhino 3), ku temë e bisedimeve do të ishin – marrëdhëniet shqiptaro-maqedonase, si bosht kryesor i ekzistimit të shtetit.
/tesheshi.com/
