Afrim Gashi është kreu i ri i Lëvizjes BESA. Një ndër themeluesit e saj, Gashi arriti të marrë kreun e kësaj partie pas votimit në kongresin e parë, mbledhur pas një periudhe të vështirë krize, ku BESA shënoi një përvçarje të paprecedentë.
“Ideja vazhdon…”, është motoja e re e BESËS, si për të përçuar idenë se ajo që ndodhi nuk do mund ta cenojë kredon ideale të kësaj force, ardhur si risi në skenën e politikës shqiptare në Maqedoni.
Afrim Gashi vjen nga fusha e letrave. Ai gëzon reputacionin e një individi me kredenciale të larta morale.
Kriza e BESËS erdhi pas zgjedhjeve lokale, ku ajo, ndryshe nga ato të përgjithshmet ku u fut për herë të parë në garë dhe korri një rezultat befasues, pësoi një rënie dramatike në vota, duke regjistruar njëherësh dhe dy humbje nominale prej dy emrave të lidershipit të saj, kryetarit Bilal Kasami dhe n/kryetarit Zeqirija Ibrahimi. Ky i fundit dha dorëheqje, ndërsa Kasami nuk pranoi. /tesheshi.com/
