Sot gjatë seancës së Kuvendit, deputeti i Lëvizjes BESA, Zeqirija Ibrahimi ka alarmuar opinionin e gjërë për politizim të institucioneve shtetërore që po e shkakton qeveria aktuale.
Ky reagim i tij më së shumti vjen pas pretendimeve të Aleancës për Shqiptarët si pjesë e koalicionit qeveritarë me LSDM dhe BDI-në që të marrë drejtimin e Institutit për Trashëgimi Kulturore, institucion ky i pavarur deri më tani.
“Nëse partnerët qeveritar në këtë mënyre ndajnë sektorët, atëherë kush do ta marrë Akademinë e Shkencave dhe Arteve, kush do ta marrë Universitetin Shën Qirili dhe Metodi, kush do ta marrë Institutin e Gjuhës Maqedonase, Universitetin e Tetovës, Nëna Terezë, Institutin e Letërsisë Maqedonase dhe të studimeve sociologjike. Qytetarë të nderuar, e dënojmë këtë politizim dhe shprehim keqardhje qe edhe një parti si LR PDSH(Aleanca për Shqiptarët) po vepron si BDI ja dukë pranuar ta marrë Institutin për Trashëgimi Kulturore. Poqëse dëshiron ta njohësh fytyrën e vërtetë të dikujt jepi pushtet”, tha deputeti i Lëvizjes BESA, Zeqirija Ibrahimi. /tesheshi.com/
