Lëvizja politike BESA në Maqedoni, ka denoncuar dhe me foto, atë që e quan krim ekologjik që Komuna e Sarajit në Shkup ua bën banorëve të saj.
“Lëvizja BESA, përpos ndërrimit të strukturave politike të inkriminuara, të shantazhuara e të korruptuara, synon edhe ngritjen e vetëdijes ekologjike dhe pastrimin e ambientit, njëherë e përgjithmonë gjithandej ku ajo vepron. Me këtë rast, ne si Lëvizje ndihmojmë dhe përkrahim çdo nismë ekologjike në këtë drejtim, ndërsa kundërshtojmë ashpër çdokënd që me ose pavetëdije e dëmton ambientin jetësor”, thuhet kështu në një deklaratë për shtyp të kësaj force politike.
Sipas saj, janë aktivistët BESA-s në Saraj të cilët po e ndjekin nga afër situatën në terren dhe që kanë vendosur ta denoncojnë atë.
Komuna e Sarajit është e banuar pothuajse tërësisht me shqiptarë dhe konsiderohet si ndër më të mëdhatë e kryeqytetit maqedonas, edhe pse shtrihet në periferi të tij. Ajo drejtohet nga përfaqsues të BDI-së, parti shqiptare në pushtet. /tesheshi.com/
