Me kërkesë të Ambasadorit të Kroacisë në Shkup, Zllatko Kramariç, përfaqësuesit e Lëvizjes BESA, Afrim Gashi dhe Zeqirija Ibrahimi – anëtarë të Trupit Koordinues të Lëvizjes, ishin sot në një takim miqësor në Ambasadën e Kroacisë në Shkup.
Në këtë takim, që është i treti me radhë deri më tani, u bisedua për situatën aktuale politike në vend.
Përfaqësuesit e BESËS edhe kësaj radhe e përsëritën qëndrimin e tyre se për Lëvizjen nuk mjafton vetëm ndërrimi i pushtetit, nëse nuk ndryshon edhe sistemi juridiko-kushtetutes i Maqedonisë.
Qëndrimin e artikuluar nga BESA për ridefinimin e shtetit në një formë a tjetër tashmë po e përkrahin edhe subjektet e tjera në vend, si edhe përfaqësues të bashkësisë ndërkombëtare. /tesheshi.com/
