Manuel Valls është zëvendësuar në postin e kryeministrit të vendit nga Bernard Cazeneuve, i cili ka qenë në detyrën e ministrit të Brendshëm.
“Presidenti i Republikës ka emëruar z. Bernard Cazeneuve si kryeministër, dhe i ka kërkuar atij të formojë një qeveri të re,” thuhej në një njoftim të presidencës.
Socialistët i kanë zgjedhjet paraprake në fillim të vitit të ardhshëm, prej nga do të dalë dhe kandidati i tyre për zgjedhjet presidenciale të pranverës së 2017-s.
Kryeministri i tërhequr e dha dorëheqjen pasi deklaroi dje se do të kërkonte të siguronte kandidimin nga radhët e socialistëve francezë.
Në detyrë në dy vite e gjysmë, Manuel Valls ia paraqiti dorëheqjen presidentit Hollande në orët e para të ditës së sotme.
Ai shihet si figura më e mundshme për t’i përfaqësuar socialistët në zgjedhjet presidenciale.
Bernard Cazeneuve do të jetë në krye të qeverisë gjer në zgjedhjet legjislative të qershorit. /tesheshi.com/
