Më në fund kanë përfunduar proceset gjyqësore dhe dënimet për Silvio Berlusconin, i cili duhet të nisë të fitojë sërish besimin e partisë Forza Italia, e për të bërë këtë, nuk përjashtohet mundësia që ta shikojmë ish kavalierin në postin e Kryebashkiakut të Milanos.
Edhe pse takimet e fundit me qytetarët nuk kanë qenë në sheshe të mëdha, por në rrugë të vogla të qytetit, prania e elektoratit ka qenë me të vërtetë e madhe, e siç duket, vetë lideri i Forza Italia, nuk ka asnjë plan që ta lërë t’i ikë nga duart posti i kryetarit të Bashkisë.
“Gjithçka nisi në Milano dhe gjithçka mund të rinisë në Milano. Në vitin 2016 duhet të rifitojmë këtë bashki, me një kandidat të denjë për të na përfaqësuar”,- ka thënë Berlusconi./tesheshi.com/
