Njeriu i Merkelit, ministri për Europën Michael Roth, është i pari ndërkombëtar që i kërkon PD-së që të bashkëpunojë me qeverinë dhe që t’u referohet organizmave ndërkombëtare në rastin e standarteve zgjedhore të 25 prillit.
Në një takim me kreun demokrat në selinë blu, një ditë pasi në emër të Berlinit zyrtar njohu dhe vlerësoi fitoren e Ramës në zgjedhje, Roth nuk ka qenë dhe aq i kënaqshëm për Bashën në qëndrimet e tij.
“Të gjithë problematikat duhet të qartësohen dhe t’u drejtohen institucioneve. Ne i besojmë ODIHR dhe i besojmë vlerësimit të tij për zgjedhjet.
Unë jam dakord me Lulzim Bashën kur thotë se e ardhmja e Shqipërisë gjendet në BE dhe askund tjetër. Nëse kjo rrugë do të jetë e suksesshme nuk varet vetëm nga qeveria e një vendit por edhe opozita e këtij vendi. Besoj që të gjendet një ton konsultimi dhe një marrëdhënie e drejtë mes qeverisë dhe opozitës.
Jam në politike prej 23 vitesh dhe kam qenë edhe në opozitë dhe në qeveri dhe të dyja këto element janë njësoj të rëndësishme për një demokraci të gjallë dhe ne nuk jemi armiq të njëri-tjetrit por kundërshtarë dhe parlamenti është vendi i duhur për të çuar para debatet”, tha Roth, duke potencuar pra “parlamentin”, si një mesazh mospajtimi me djegien e mandateve dhe një paralajmërim se s’duhet të bojkotojë më atë.
Më parë, Basha tha se “ajo që i kam kërkuar Roth është të flasin dhe të denoncojnë masakrën zgjedhore të 25 prillit para se të jetë tepër vonë”.
Por siç mund të vihet re, Berlini e ka refuzuar diçka të tillë. /tesheshi.com/
