Ministria e Jashtme e Gjermanisë ka ndërhyrë sërish në debatin politik në Tiranë duke i dërguar mesazh opozitës që të mos spekulojë me deklaratat e ministrit të Jashtëm gjerman.
E pyetur nga Deutsche Welle, një zyrtar i ministrisë së Jashtme gjermane sqaron kërkesën në Tiranë të Sigmar Gabriel drejtuar opozitës në Shqipëri.
Nga Ministria e Jashtme gjermane iu transmetua Deutsche Welle-s se kërkesa e ministrit të Jashtëm Gabriel opozitës shqiptare për t’i dhënë fund bojkotit të Parlamentit dhe që opozita të shfrytëzojë rrugët e parashikuara në Kushtetutën e Shqipërisë, është qëndrimi i qeverisë federale gjermane.
Kjo rimarrje e ministrisë së Jashtme gjermane ka ardhur pikërisht pasi disa komente të bëra në rrjete sociale por edhe në media pranë opozitës, theksuan se qëndrimi i zv.kancelarit gjerman u bënë nga përkatësia e tij politike në Partinë Socialdemorate Gjermane.
Vetë Gabriel e tha troç se vinte në Tiranë si numri dy i qeverisë gjermane dhe shprehte qëndrimin zyrtar të Berlinit.
Por akuzat ndaj tij nuk u ndalën.
Dhe ka gjasa që të vijojnë edhe pas këtij sqarimi. /tesheshi.com/
