Në një konferencë për shtyp, të çdoditshme tashmë, kreu i opozitës ka hequr barrierat etike, duke i mveshur kundërshtarit politik etiketime të rënda. “Palaço” e “kriminel” kanë qenë dy prej tyre.
“Sa i përket paketës ekonomike janë premtuar masa shtesë dhe një paketë të tretë, e keni me zë dhe figurë, nxirrjani palaços që ta ballafaqojë.
Përballeni palaçon me premtimet që u ka bërë shqiptarëve, nxirreni kur thotë po bëjmë gati paketën e tretë ndërkohë të tjerat kanë bërë paketën e katërt.
Është kriminale mënyra si sillet me shqiptarët, mjekët dhe infermierët. Vetëm një kriminel që pret më të keqen…”, ishin frazat e Bashës në adresë të të parit të qeverisë.
Por ndërkohë, nga ky i fundit ka huazuar një krahasim sarkastik thënë për Nanon këtu e 19 vite më parë.
Robert Çamçakëzi, personazhi i filmit “Horizonte të hapura”, nga Basha u përdor për t’ja mveshur Ramës, ndërkohë që është ekskluzivitet i këtij të fundit.
“Edi Rama është Robert Çamçakëzi.
Asnjë drejtor komunale nuk fshihet dot duke shkuar 10 herë në të njëjtin kantier, vetëm e vetëm për t’i bërë bisht pyetjes që ia shtrojnë me të drejtë kolegët tuaja: a e njihni planin me 5 pika të Partisë Demokratike dhe çfarë po bëni për të ndihmuar?”, theksoi kreu demokrat. /tesheshi.com/
