Ish-kryeministri, Sali Berisha e cilëson zgjedhjen e Ilir Metës president si mbyllje të shtegut të fundit për të pasur zgjedhje të lira dhe të ndershme në vend. Me anë të një postimi në Facebook, Berisha theu heshtjen pas zgjedhjes së Metës, duke shkruar se “mazhoranca me në krye Edi Rama, me këtë akt të ri i mbylli çdo shteg që shqiptarët të votojnë të lirë, duke thelluar më tej krizën politike”.
“Rama vrapoi të solidifikojë qëndrimin e ‘aleancës së qelbësirave’ kundër kërkesës së opozitës për zgjedhje të lira dhe për të mbyllur çdo shteg apo mundësi për të lejuar shqiptarët të votojnë të lirë dhe për të zgjidhur në mënyrë të civilizuar krizën më të rëndë dhe më të rrezikshme që përjeton Shqiperia nga shkurti i vitit 1991”, shkruan Berisha. /tesheshi.com/
