Berisha testoi veten në një protest antiqeveritare, gati pas tre vitesh, që kur Basha para tij shpallte se “qeveria ra”.
Me qindra protestues u mblodhën në bulevard duke iu përgjigjur thirrjes së Berishës, i cili pas shpalljes “non grata” nga SHBA po tenton të rimarrë frenat e PD-së, duke eliminuar fillimisht Bashën, atë që caktoi si pasardhës, por që e “tradhëtoi” duke iu bindur verdiktit amerikan të “non grata”-s.
Narrativa kryesore qe ajo kundër qeverisë, ku Berisha tha se Ramën e kishte armik.
“Jeni burim drite, shprese për mbarë shqiptarë, sonte më shumë se kurrë, mendjet, zemra dhe sytë e mbarë shqiptarëve janë të drejtuar te ju.
“Do i them Ramës këto fjalë: ne të dy sot jemi armiq, si ti Edi Rama ke për ideal pushtetin dhe vetëm pushtetin, kurse unë me këta burra e gra kemi për ideal lirinë”, ishin fjalët e Berishës. /tesheshi.com/
