Ish-kryeministri Sali Berisha mbajti një fjalim me plot akuza në çadrën e protestës së opozitës në Kuvend, ku veç kryeministrit Rama dhe ministrave të tij në shënjestër u vendosën edhe ambasadorë të trupit diplomatik në Tiranë. Berisha tha se në krah Ramës për draftin e reformës në drejtësi u rreshtuan edhe dy ambasadorët, Lu dhe Vlahutin.
Nga çadra e protestës, Berisha tha se Rama përjashtoi opozitën nga reforma por Venecia e ktheu dy herë draftin pasi projekti i jepte në dorë drejtësinë Ramës. Ai dha një mesazh për Vllahutin se po destabilizon vendin.
“Në vitin 2014 Presidenti Nishani thirri forcat politike për të bërë reformën në drejtësi. Natyrisht Nishani i thirri për t’i inkurajuar, pasi reformën do ta bënin forcat politike. Por çfarë ndodhi?! Rama e mori në dorë reformën dhe aktin e parë që bëri përjashtoi opozitën. Çuditërisht në krah të Edi Ramës u rreshtuan edhe guvernatorja, edhe në një farë mënyre më pak ambasadori Lu. Vllahutin dha deklarata të njëpasnjëshme, sa u detyrova t’i përgjigjem që ti me këto deklaratë çon drejt destabilizimit Shqipërinë”, tha Berisha.
Sipas tij, drafti i reformës në Drejtësi është bërë me specialistë të huaj, të paguar nga Soros. /tesheshi.com/
