Në Kavajën e tij, aty ku historikisht është zgjedhur deputet, ish-kryeministri Sali Berisha tha në “Foltore” se do të jetë njëri prej kandidatëve në garë për kreun e PD-së.
“Ftoj çdo delegat të Kavajës, çdo delegat të Kuvendit Kombëtar të firmos për mbledhjen e Kuvendit, për ndryshimet staturore që të instalojmë primaret, që të rikthejmë referendumin si formë direkte e qeverisjes suaj, të firmosë natyrisht që të hapim një garë, në të cilën garantoj që çdo njeri që do të hyjë aty, do të ketë një garë të lirë, natyrisht njëri prej tyre do të jetë edhe Sali Berisha”, tha ish-kryeministri, tashmë në një përplasje të ashpër me birin e tij politik, Basha.
Dhe, në thirrjet anti-Basha, që ajo mbi refuzimin e ndryshimeve të mundshme kushtetuese.
“Tani në 30 vite s’ka ndodhur kurrë që të hapet parlamenti me ndryshime kushtetuese, i janë qepur kushtetutës si çakej, po ju bëj thirrje demokratëve refuzoni çdo marrëveshje me Ramën, se ai është i pabesë njësoj si pengu që ka marrë”. /tesheshi.com/
