Ka folur për rreth 20 minuta në foltoren e Kuvendit, ish-kryeministri Sali Berisha, i cili ka prekur disa çeshtje, por si zakonisht ai ka sulmuar mazhorancën, sidomos kreun e qeverisë, Edi Rama. Berisha e ka akuzuar atë si një person që shfrytëzon rastin për t’u pasuruar, në dëm të shqiptarëve.“A ka kufi, a ka etikë ky njeri që s’bën asgjë vetëm pasurimin e tij? Ky njeri nga mëngjesi e deri në darkë përdor mediat dhe mendon se do mund të mbulojë këto vjedhje monstruoze? Me shifra që shpik, mendon se do gënjejë shqiptarët? Dhjetëra mijëra azilkërkues kanë ikur në Gjermani?”, u shpreh Berisha.
Deputeti demokrat ka prekur edhe çeshjen e zbatimit të moratoriumit të pyjeve, apo ndotjen e mjedisit si krier I BE-së për tu integruar.
“Një nga kriteret e BE-së ëshë mbrojtja e mjedisit sepse është jeta. A dëgjon ndonjë të flasin për mjedisin? Këta bënë moratoriumin e pyjeve. Në rrugën e Librazhdit, çdo 10 minuta ka një makinë që transporton trupa. Plaçkit edhe copëza toke ku mundet e ku s’mundet. Donte të prishte në Himarë shtëpi 300-vjeçare, e jo pallatet e Koços, janë dy monstra që i kanë zënë detit Himarës. Pse? Sepse është aksioner”, tha Berisha.
Sipas tij, mafia e naftës sot bën ligjin në Shqipëri. “Janë zhdukur 40 mijë ton naftë. Këta mashtrues që përdorin këtë platformë me mashtrime flasin se mblodhën, duke rritur taksat 50%. Kanë mbledhur në 4 vite 4 herë më pak se ne taksa. Ato para shkuan në buxhet dhe biznesit i vinin shumë më tepër. Këto vjedhin natën e ditën”, shtoi Berisha.
Ish-kryeministri tha se shqiptarëve u premtuar shëndtetësi falas, por sipas tij kjo gjë jo vetëm që nuk ka ndodhur, por shpenzojnë më shumë për analiza. Sipas tij, po bëhen mashtrime me chek-up-et dhe regjistrin e regjistrimit të të vdekurve.
“Si mund të vidhni mbi mashtrimet me të vdekurit. Lerini në varre, janë 19 mijë të vdekur në regjistrat e ndrikullës vampire që pijnë gjakun e të sëmurëve shqiptar. 150 mijë qytetarë që s’kanë bërë chek up. Për çdo shqiptar, shpenzimet për shëndetësinë janë më të ulëta. 130 dollarë janë të qytetarit në buxhet, kurse këto i merr kumbar Rama me ndrikull Nushi dhe mbushin regjistrat me emra të vdekurish. Tani thotë se nuk ua jap regjistrat. Tolerancë zero nga opozita nëse mendoni të fshini të dhënat. Provojeni! Ju po vidhni haptaz, po fshehje nuk ua lejoj”, tha ish-kryeministri.
Ai tha se në 8 vite të qeverisjes së rij ka patur vetëm një koncesion ku buxheti kaloi për shërbim privat dhe kjo ishte hemodializa.
Berisha komentoi kartolinën e kryeministrit për festat e nëntorit.
“Me një shkarravinë me shqiponjën me yll, i ke pushkatuar për së dyti martirët. Ata ranë në luftë nga nazistët, por idealet e tyre për së dyti i ekzekutoi Enver Hoxha. Yllin e kuq ua dha diktatori Hoxha dhe ti ua rivendose pas 25 vitesh që e kemi hequr. E quan gjakun e tyre të rremë. Ylli ka shkuar në koshin e plehrave, bashkë me ata që sollën në Shqipëri”, përfundoi Berisha./tesheshi.com
