Kapja nga Guardia Di Finanza e 2.3 tonë drogë në Itali ka rikthyer akuzat në drejtim të kryeministrit Edi Rama për lidhjet e tij me drogën dhe trafikantët.
Pas kreut democrat Lulzim Basha, që paralajmëroi se opozita do të bëjë gjithçka që Rama të përballet me drejtësinë, ish-kryeministri Sali Berisha përmes një komenti në rrjetet sociale akuzon kryeministrin dhe Drejtorin e Policisë së Shtetit, Haki Çako, se çdo javë po nisin tonelata me drogë drejt Italisë.
“Noriega dhe Haki droga, krenarë me suksesin e madh në eksportin e drogës. Po nisin çdo javë tonelata në Itali!!
Noriega dhe Haki droga, me operacionet e tyre të fuqishme kundër drogës dhe trafikantëve, kanë arritur kohët e fundit suksese të medha në eksportin e kanabisit.
Kështu, çdo javë, falë luftës me zero tolerancë të tyre kundër kanabisit, ata nisin si eksport 2-12 ton hashash. Këtë here të fundit nxorën 1000 policë nga toka, deti dhe ajri për të bllokuar trafikantët, por jo ata që eksportojnë mall, ndaj u eksportuan 2.3 tonë!?”, shkruan Berisha. /tesheshi.com/
