Berisha ka shpjeguar për herë të parë se pse e votoi ligjin famëkeq 7501 të tokës, në vitin 1991, një ligj komunist në thelb që dha pasoja të rënda në pronësinë mbi tokën pas 90-ës, të cilat vazhdojnë ende. E ka bërë këtë duke thënë se e detyruan fshatarët, pasi ndryshe nuk do ia jepnin votën..
“Shkoja në Ndroq, kisha dalë me parrullën “toka e të zotit. Nuk kisha ide se mund të bëhej ndryshe. Fshatarët më thonë se nëse do vazhdosh me këtë, ti nuk do votohesh kurrë nga ne. Zotërit e votës ishte fshati. Shkoja në Korçë dhe Lushnje, gjeja të njëjtin qëndrim. Më thoshin harroje, po të jetë se ti mban konceptin toka e të zotit, nuk ka vota”, tha Berisha në një takim në Belsh.
Pra, sipas asaj çfarë vetë e pohon, ka zgjedhur diçka të padrejtë në këmbim të votës.
Jo vetëm kaq. Berisha as sot nuk do guxonte ta zhbënte këtë ligj shkatërrimtar, thënë këtë me sinqeritet.
“Të them tani se do të zhbëj atë ligj, nuk mund ta marrë përsipër, sepse janë krijuar marrëdhënie të tjera posedimi 30-vjeçare”, ishte arsyetimi i tij. /tesheshi.com/
