Berisha pranoi deri diku denoncimin amerikan për financim rus në fushatën e PD-së në 2017-ës, siç është thënë nga DASH së fundi në një raport.
Fjala është për fonde të cilat janë shërbyer për lobim amerikan, në shkelje të ligjeve amerikane.
Siç tha Berisha, Basha i ka thënë se lobimi për këtë forcë politike në SHBA në vitin 2017 u bë me paratë e mbledhura sipas rregullave të diasporës, duke mohuar se kishte marrë financime ruse.
“Lulzim Basha, i pyetur nga unë se çfarë qëndron pas këtij artikulli(një shkrim në median amerikane atëkohë që zbardhte aferën), më deklaroi se paratë e paguara për Nick Muzin, janë para të mbledhura në përputhje me rregullat në diasporën shqiptare ne SHBA dhe se artikulli nuk ka asgjë të vërtetë. Midis artikullit dhe shpjegimit të Bashës, unë kam besuar variantin e këtij të fundit.
Më vonë jam informuar se Basha kishte mashtruar dhe nuk kishte bërë mbledhje fondesh në diasporë”, theksoi Berisha, i cili ka ende “llogari të hapura” me Bashën, pasi krahu i këtij të fundit në PD nuk e njeh ish-liderin historik për kryetar PD-je.
Gjithashtu, krahu Berisha dhe ky i fundit, në trajtimin politik që i bën çështjes, thotë konspirativisht se për fondet ruse Basha mbahej peng nga Rama. /tesheshi.com/
