Berisha s’mund të jetë në asnjë moment jo politik; sidozot të jetë mjek, doktor pra, në kuptimin e pastër shëndetësor të fjalës, pasi vjen nga ai profesion, ose së paku të jetë thjesht kulturor në komunikim publik, pa asgjë politike, pasi pretendon se ka qenë i lidhur shumë me librin, me leximet, pra të qënit edhe intelektual.
Ky perceptim që ai mbi veten apo ithtarë të tij mbi të është zbehur edhe më, kur dhe një vizitë në Panairin e Librit e ka shfrytëzuar për politikë, nga ajo më vulgarja që vetëm ai di ta bëjë mjeshtërisht.
“Unë jam këtu për të dënuar politikën antilibër, antikombëtare të Edi Ramës, të këtij armiku të egër të librit, kulturës, të këtij antishqiptari që i futi buldozerët Teatrit Kombëtar, që mbuloi me ndërtime 120 objekte të trashëgimisë kulturore, që po rrënon Butrintin dhe vlerat e tjera të mëdha.
Por jam këtu për të denoncuar qëndrimin antilibër të tij. Shqiptarët duhet ta dinë se libri këtu tatohet më shumë se kudo në Europë.
Shqiptarët duhet ta dinë se ato përpjekje që u bënë për të krijuar, jetësuar bibliotekat në të gjitha shkollat e vendit, ato fonde që u përcaktuan për të blerë libra për ato biblioteka, u ndaluan me një vendim antilibër të Edi Ramës”, ishin fjalët e egra të Berishës. /tesheshi.com/
