Ish-kryeministri berisha i është përgjigjur pa ironi e me konkretësi ambasadës ruse në Tiranë në një lidhje me një “ryshfet” të Gazpromit, ku qëllimi ishte pamundësia e gazjellësit TAP. Berisha ka qenë firmosës i këtij gazsjellësi, i cili, i pavarur nga Rusia dhe gasi rus, po i vjen në ndihmë Europës këto kohë të rënda krize.
Moska diplomatike në Tiranë reagoi me ironi, duke thënë se sa ishte ai ryshfet, por Berisha është treguar konkret në ofertën që I është bërë, jo domosdoshmërisht ryshfet në kuptimin e rëndomtë të fjalës.
“Lidhur me deklaraten time te djeshme per perpjekjet korruptive te Gaspromit prane meje per te sabotuar TAP, ambasada ruse ne Tirane ka reaguar sot duke pyetur: Sa leke kerkoi zoti Berisha qe Gazpromi nuk i mblodhi dot?
Lidhur me kete reagim, tipik provokativ te stilit sovjetik te perfaqesuesve te diktatorit Putin, sqaroj publikun sa vijon:
1-Gazprom dhe qeveria ruse bene çfare kishin ne dore dhe perdoren te gjitha linjat korruptive te gazit te tyre per te bllokuar projektin e TAP.
2- Ne javen e pare te gushtit te vitit 2011 nje mik i imi biznesmen i njohur turk me solli nga presidenti i Gazprom mesazhin qe vijon:
“ne rast se une do te hiqja dore nga projekti i TAP-it dhe te mbeshtesja projektin ITGI, i cili anashkalonte Shqiperine dhe kalonte ne trajektoren Turqi- Greqi-Itali dhe qe furnizohej kryesisht me gaz rus por dhe azer pala ruse ofronte:
–ndertimin e nje gazsjellesi Igumenice-Vlore me mundesi shtrirje edhe deri ne Shkoder.
-investimin prej 4.1 miliarde dollare ne termocentrale te medha gazi ne Seman.
-keto do vendoseshin ne nje takim qe do zhvillohej midis meje dhe presidentit te Gaspromit.
Oferta u refuzua prereas per arsye politike nga ana ime. Nuk pranova investimet e Gasprom se besoja, dhe koha me dha te drejte, se ato nuk ishin ne interes te vendit tim.
Ju bete gjithshka qe TAP te mos behej dhe deshtuat!”, shkruan Berisha. /tesheshi.com/
