Sali Berisha, ish-kryeministër, ka reaguar përmes një postimi në rrjetet sociale në lidhje me arrestimet e kryera në Itali të një grupi kriminal, mes të cilëve edhe Moisi Habilajt. Berisha ka qenë ndër të parët përfaqësues të opozitës, që ka denoncuar lidhjet e Habilajt me ish-ministrin e Brendshëm, Sajmir Tahiri. Berisha shkruan në rrjetet sociale se shumë shpejt pritet që në pranga të vihet edhe ish-ministri i Brendshëm Saimir Tahiri.
Sipas Berishës, Habilaj është kushëriri i Tahirit, ndërsa hedh akuza se droga prej 3.5 ton që është kapur ditën e sotme në Itali, është transportuar me skafin e ish-ministrit.
“Zhvillim klamoroz, kapet banda e Saje qorrit. Vet Saje drejt arrestit nderkombëtar!
Miq! Arrestohet në Itali famozi Moisi Habilaj, tezaku që transportoi 3.5 ton drogë me skafin e Saje qorrit në Itali.
Po ju rikujtoj këtu se Habilajt, sipas kontrollit të TIMS kanë transportuar drogë jashtë vendi 27 herë me makinën e kushos-bandit ministër Saje qorri, dhe ky trafik, i denoncuar nga Zagami, i kushtoi postin këtij të fundit, pasi Saje qorri e shkarkoi atë dhe e dha për ndjekje.
Atij, Konfederata Helvetike i dha azil politik pikërisht ditën e vizitës së Edi Ramës në Bernë. Gjithashu, 3,5 ton drogë në Itali, sipas burimeve të sigurta të vendit mik, është transportuar me skafin e Saje qorrit, të cilin ai e bleu dhe e la në “ruajtje” tek Habilajt dhe pas disa denoncimeve që kemi bërë në Parlament, Saje qorri u detyrua të bëjë një akt shitje fallco të skafit të tij, po tek Habilajt! Priten zhvillime klamoroze! Sb”, shkruan Berisha në rrjetet sociale. /tesheshi.com/
