Jozefina Topalli është një investim direkt i Sali Berishës në PD. Po ashtu Arben Imami apo Majlinda Bregu, të cilët u afruan pranë kësaj partie po nga Berisha.
Por sot kur të tre ata dhe të tjerë ish-drejtues e ish-ministra të PD-së nuk janë më pranë kësaj partie, pasi pasardhësi i Berishës, Lulzim Basha i hoqi nga lista e kandidatëve për deputetë, kreu i historik i demokratëve ka vendosur të heshtë.
Në një intervistë për gazetarin Lutfi Dervishi në TVSH, Berisha ka refuzuar të flasë për konfliktet brenda PD-së pas largimit të themeluesve e qëndrestarëve nga lista e kandidatëve për deputetë.
“Njeriu i fundit që mund të pyetet për problemet e brendshme jam unë. Statusi im është i tillë. Çdo lloj qëndrimi publik do më nxirrte nga statusi i një njeriu të dorëhequr përgjithmonë. Kryetari ka pranuar që këto janë listat e fundit që bëhen në këtë mënyrë. Kryetari ka të drejtë të ketë listën e tij”, ka thënë Berisha në këtë intervistë.
“Nuk kam asnjë koment”, i është përgjigjur pyetjes për reagimet e Topallit e Imamit, të cilët kërkuar shkarkimin e Bashës nga drejtimi i partisë./tesheshi.com/
