Sipas komenteve të një prej figurave të PD-së, Klevis Balliu, afër Berishës paska këshilltarë izraelitë, edhe pse në dukje ngjan se Berisha apo dhe PD-ja, vetëm këshilltarë të jashtëm nuk kanë, qoftë dhe izraelitë. Thënë kjo, duke gjykuar praktikat infantile politike dhe ligjërimin katastrofal, pa asnjë shenjë përmirësuese, prodhuese e dështimeve të njëpasnjëshme e të pandalshme.
“Sali Berishës iu propozua gjatë zgjedhjeve nga këshilltarët izraelitë të PD-së që të ishte dakord për koalicion me PS pas zgjedhjeve të 2021 por ai u shpreh kundër”, tha Balliu në një debat televiziv, duke qenë vështirë i besueshëm në ato që thoshte.
Kjo është hera e parë që pohohet diçka e tillë, pra që Berisha paska afër vetes këshilltarë izraelitë, një fakt që është pranuar si normal te kundërshtari i tij Rama. Por paçka këshilltarëve, në fund, ka vendosur e vendos karakteri i të dyve, se kush është më sfidues politikisht ndaj njëri-tjetrit, në tregues elektoralë dhe pëlqyeshmërie publike. /tesheshi.com/
