Ish-kryeministri Sali Berisha e ka mbrojtur deputetin Flamur Noka duke e quajtur veprimin e tij të imponuar, ndërkohë Taulant Balla tha se Parlamenti nuk fillon pa u larguar nga salla Flamur Noka.
“Sjellja e zotit Noka ishte imponim sepse ai (e ka fjalën për Braçen) nuk la gjë pa thënë. Gojës i thuhet kuç. Ç’ke që flet. Ti do të flasësh edhe kur flas unë edhe para meje edhe pas meje”.
Por Taulant Balla, nënkryetari i grupit parlamentar të PS-së ka deklaruar se opozita kishte një skenar për të bllokuar punimet.
“Nuk është aspak i vërtetë pretendimi i PD-së se fyerjet dhe goditja ka ardhur si pasojë e reagimit të Braçes ndaj fjalimit të Sali Berishës. Gjatë gjithë seancës kemi pasur thyerje të rregullores nga deputetët e PD. Pas pak kohe do të mblidhet byroja për të shqyrtuar grupin e deputetëve për përjashtimin e deputetit minimalisht me 10 ditë. Nuk mund të ketë vijim normal të seancës”
Balla kishte dhe një thirrje për kryetarin e PD-së Lulzim Basha
“I bëj thirrje Bashës të heqë dorë nga urdhrat dhe keqpërdorimi i deputetëve të tij. Të ndikojë dhe tek kryetari de fakto Berisha dhe deputetët të mos kthehen në kamikazë”. /tesheshi.com/
