Ka vijuar përplasja mes Berishës dhe Yuri Kim, sigurisht në distancë, pasi kjo e fundit quhet cinikish si “guvernatore” dhe kësisoj kundërtshtohet nga kryeministri për deklarimet e saj diplomatike, të cilat kanë në fokus kujtesën për të qënit e tij “non grata”.
Së fundi, Berisha pretendoi se ajo po dikton vendime gjyqësore në favor të pjesës tjetër të PD-së.
“Javën e kaluar u informova se kam informacion për dy burime, së fundmi guvernatorja (Yuri Kim) bën takime për procesin gjyqësor. I bëj thirrje qeverisë së SHBA të ndalojë ndërhyrjet e përfaqësues së saj në proceset gjyqësore në Shqipëri”, u shpreh Berisha, duke shtuar: “Kam 3 burime që më thonë se ka ndërhyrje të Kim në gjykatë. Nëse autoritetet e SHBA kërkojnë prova për këto informacione, unë do u tregoj gjithçka”.
Nuk ka vonuar reagimi i gruas që përfaqëson SHBA-në në Shqipëri.
“Nëse ‘ndërhyrja në procesin gjyqësor’ nënkupton inkurajimin e gjyqtarëve dhe prokurorëve që të bëjnë punën e tyre pavarësisht kërcënimeve apo nxitjeve, duke e bërë të qartë SHBA do të vazhdojë të mbështesë zbatimin e reformës në drejtësi në Shqipëri, duke nënvizuar se askush nuk është mbi ligjin dhe duke kërkuar që të gjithë ne duhet të bëjmë pjesën tonë për të luftuar kundër korrupsionit dhe mosndëshkimit, atëherë PO, SHBA ka bërë dhe do të vazhdojë ta bëjë pikërisht këtë- sepse lufta kundër korrupsionit dhe përpjekjet për të minuar demokracinë përbëjnë një interes thelbësor të sigurisë kombëtare të SHBA-së”, shkruan Kim.
Kujtojmë se fjala është për njohjen nga gjykata të Rithemelimit, gjë që e ka çuar Berishën të rimarrë rol drejtues në selinë demokrate, por që po gjykata ka pranuar një ankimim së fundi nga drejtuesi i komanduar i PD-së, Enkelejd Alibeaj, njeriu që po ashtu po përplaset ashpër me Berishën. /tesheshi.com/
