Shumëkush mund ta shohë përfaqësuesen e Kosovës si trampolinë për të kaluar tek kombëtarja shqiptare e futbollit, por kështu nuk mendon edhe futbollisti i Kosovës, Bernard Berisha.
“Do të jetë një ndeshje festive dhe njëherit shumë e veçantë për të gjithë ne. Do t’u bëjmë një pritje ashtu siç i ka hije atyre çunave, që na kanë bërë krenarë, por njëherit do ofrojmë edhe spektakël futbollistik”, u shpreh fillimisht Berisha.
Motiv shtesë për këtë duel para De Biasit? “Nuk do luajmë për De Biasin, por do luajmë për vendin tonë, të japim më të mirën për ti arritur qëllimet që i kemi ne. Nuk premtoj gol, por do japë maksimumin”, përfundoi Berisha.
Berisha është futbollist i skuadrës shqiptare, Skënderbeu. Futbollisti me origjinë nga Peja është grumbulluar për të dytën herë nga trajneri i Kosovës, Albert Bunjaku. Në sfidën e parë zyrtare, Berisha debutoi ndaj Guinesë Ekuatoriale dhe pati një paraqitje të mirë, me ç’rast shërbeu edhe me një assist në fitoren e Kosovës, (2-0).
/tesheshi.com/
