Ish-kreu demokrat Berisha, njëherësh ish-president e ish-kryministër, ndërsa sot thjesht deputet, ka komentuar 20 shkurtin e ’91-it, rrëzimin e monumentit të diktatorit Hoxha, por gjithashtu dhe shumë zhvillime të tjera që lidhen me ish-regjimin komunist.
Duke folur në Studio e Hapur të Eni Vasilit, Berisha ceku dhe aspekte të së kaluarës së tij komuniste, si ish-anëtar e sekretar partie për më pak se gjysmë shekulli.
Ai e ka përfshirë veten tek një inteligjencë që sipas tij heshtte, por që ama i rezistoi diktaturës. Më tej, duke pranuar se ka votuar për partinë e tij, atë të Punës, Berisha tha se dhe populli e ka bërë këtë gjë. Por justifikimi ka qenë befasuese:
“E gjithë inteligjenca shqiptare që heshtte, që konformohej dhe që ishin dhjetëra mijëra, ishin një shtyllë e fuqishme e qëndrimit të diktaturës. E tërë pjesa tjetër e popullatës që shkonte dhe votonte në kutitë e votimit, me votë sekrete votonte për Partinë e Punës. Një bashkëfajësi duhet ta ndiejmë këtu. Problemi më madhor i shqiptarëve është mungesa e pendesës. Po t’i marrësh bashkëqytetarët tanë të dashur që unë i admiroj, nuk kam dëgjuar njeri tjetër të kërkojë falje në këtë vend. Unë kam kërkuar të falur sepse kam votuar për diktaturën”.
“Unë kam votuar për diktaturën, kam kërkuar falje”
“Kjo është një ndjesë që e kam bërë disa herë, që të hap rrugën, që njerëzit të ndjejnë bashkëfajësinë, dhe të kërkojnë ndjesë”.
Ishin këto frazat e Berishës sa i përket të kaluarës së tij komuniste dhe gjykimit të sotëm mbi të djeshmen. Por në fakt, deri më tani nuk njihet ndonjë ndjesë publike e tij sa i përket asaj të djeshmeje. /tesheshi.com/
