Pas dorëheqjes së Bashës, 24 orë më pas, Berisha la të kuptuar një tjetër “sulm” ndaj selisë demokrate, për të qenë ai i parë aty, edhe njëherë si dikur.
Ai Berisha paralajmëroi se shumë shpejt do të rikthehet në selinë e PD, fill pas një mbledhje të Rithemelimit, kur tha se PD do të shndërrohet në forcën politike më të fortë që vendi ka pasur ndonjëherë.
“Selia është e PD dhe nuk ka asnjë diskutim, jemi në proces e sipër të gjitha vendimeve që do të merren. PD do të bashkohet, do të shndërrohet në një forcë politike që nuk e ka pasur Shqipëria ndonjëherë”.
Ndërsa sa i përket qëndrimin të Alibeajt një ditë më parë në emër të grupit parlamentar të PD, ku kërkonte mënjanimin e tij pas dorëheqjes së Bashës, Berisha reagoi në stilin e tij:
“Sa i përket fletushkës që lexoi zoti Alibeaj mund të them vetëm se në atë fletushkë Lulzim Bashën e shndërronte në plaçkë tregu, por kjo nuk është normale”.
Pra, Berisha nuk ka ndërmend të bëjë ndonjë hap pas për shkak të dorëheqjes së Bashës, duke synuar të marrë në dorë atë nga e cila u zbua: drejtimin dhe selinë e demokratëve. /tesheshi.com/
