Për herë të parë, ish-lideri demokrat Berisha ka folur gjerë e gjatë për 20 shkurtin ’91, rënien e monumentit të Enver Hoxhës, gjatë një aktiviteti të fondacionit “Konrad Adenauer”. Berisha dha versionin e tij për ato ditë, para dhe pas rënies së bustit, duke u diktuar në rrëfime dhe nga politika e ditës.
Për ditën pasuese, atë të datës 21 kur turma tentuan të sulmojnë bllokun e udhëheqjes në thirrjet e Edi Ramës, në atë kohë në krye të Akademisë së Arteve kundër regjimit dhe i cilësuar ekstremist nga PD e Berisha, ky fundit tha se ishte Ramizi ai që kishte manipuluar turmat për skenarë destabiliteti. “Pasi e kishte bishatisur bllokun, Nexhmijen e kishte dërguar në Dajt. Këta të tjerët, përfshirë dhe Edi Ramën, në bunkerin që meremetoi për Enver Hoxhën, në Zall-Herr. Po po”, tha Berisha në rolin e një rrëfimtari ngjarjesh të jetuara, duke shfaqur dukshëm ndikimin nga poltika e ditës në ndërtimin e ngjarjeve të para 27 viteve.
Ndër të tjera, ai shpjegoi dy arsyeja se pse PD dhe ai vetë, nuk ishin në krye të turmave që rrëzuan bustin, ku e para ishte disi e pakuptueeshme.
Sipas tij, u vendos që PD të mos e udhëhiqte për ta mbështeste. “Pse të mos e udhëhiqte? Për dy arsye. E para ishte kuadër depolitizimi dhe tani, depolitizimin me politizim nuk e luftojë dot si duhet, nuk shkonte kjo si logjikë. E dyta, në qoftëse PD do dilte vetë në krye, kjo mund të ishte shkak ose për nxjerrjen e saj jashtë ligji, ose për nxitjen e një konflikti civil”, shpjegoi këshu Berisha. /tesheshi.com/
