Berisha e Meta, veçmas por në sinkron, kanë sulmuar investimin emiratas prej 2 miliard eurosh në Durrësit, ku do ndërtohet dhe në port i ri jahtesh aty ku sot është Porti Transportit, e ky i fundit do bëhet krejtësisht i në Porto Romano.
Pak ditë pas nënshkrimin të marrëveshjes përfundimtare të një investimi që mundëson një copës Dubai në Shqipëri, dyshja e egërsuar opozitare pretendon se aty po luhet një aferë.
“Jam sot këtu, për të denoncuar për të shumtën herë, aferën mafioze, korruptive të Edi Ramës me portin shekullor të shqiptarëve, Portin e Durrësit. Kjo aferë vjen në dhunim flagrant të të gjitha ligjeve të vendit. Edi Rama deklaron se i ka dhënë një kompanie, territorit pre 1,5 milion metër katror të Portit të Durrësit, për ndërtimin aty të Dubai City, të Dubait të vetë dhe jo të shqiptarëve. Dhënia pa garë, e 1,5 milion metër katror truall, kudo që të ndodhë, është një shkelje flagrante e ligjit dhe atyre ndërkombëtare”, tha Berisha në stilin e tij.
“Shqipëria, nën trysninë e Këshillit të Evropës dhe institucioneve ndërkombëtare ku është e integruar, ka detyrimin të bëjë të ditur pronarët fundorë të kompanive guackë. Shteti shqiptar, përmes këtyre vendimeve tërsësisht të bëra në errësirë, kapitalizon mbi 1.5 milion metra katror truall të Portit të Durësit, me një vlerë jashtëzakonisht e lartë, që do ishte pronë e koncensionarit dhe jo e shtetit shqiptar”, tha Meta, duke ashpërsuar më tej gjuhën: “Edi Rama i ka përllogaritur shumë keq pasojat e kësaj aventure të re”.
Por sipas Ramës, investimi arab nga Emmar Group, do t’i ndryshojë faqen Shqipërisë. Ndërkohë, përgjigjen për pretendimet e opozitës, ai do jepte pas nënshkrimit të marrëveshjes.
“Me ndërtimin e këtij porti të rritet eksponencialisht vlera e pasurisë së të gjithë qytetarëve të Durrësit, do të rritet vlera e të gjitha hoteleve në vijën bregdetare. Këtu është fjala për imazhin komplet tjetër që do të ketë Shqipëria në botë. Durrësi do të jetë porti më i madh i Mesdheut, do të jetë port binjak i marinës së Dubait. Ky port hap një perspektivë të re. Shteti shqiptar në këtë port nuk do të jetë siç është parafytyruar dikur si thjesht etniteti që i jep tokën një investitori, shteti shqiptar aty do të jetë aksioner. Shteti është ortak kur ata që negociojnë mendojnë për shtetin dhe jo për veten e tyre”, tha Rama. /tesheshi.com/
