Kreu i PD-së zyrtare, Enkelejd Alibeaj, u ka kujtuar ish-të përndjekurve politikë paradoksin e madh të paskomunizmit, i cili lidhet me emrin e Berishës, qënien e tij politike në dy kohë, si dhe marrosjes pas tij dhe nga ata që deri dje vuajtën persekutimin e regjimit komunist.
“Po si mund të vazhdojë ende sot një sekretar partie, ai që kemi pasur ne lider historik, kryetar partie një sekretar i partisë së punës, të vazhdojë të jetë ende figurë qendrore e politikës. Është edhe paaftësia, pamundësia, mosgjetja e kurajës brenda Partisë Demokratike për të bërë një distancim të tillë. Mesa duket metastazat e psikozës komuniste në këto 33 vite kanë qenë thjesht dhe vetëm në letargji. Kemi ecur gjithmonë me idenë se me kalimin e kohës do të fshihej, do të humbiste, do të tretej mentaliteti sovjetik, mentaliteti komunist. Ja ku erdhi koha, pas 33 vitesh, në një moment ku u ndjenë të rrezikuar dhe u ndjenë të rrezikuar në fakt për shkak të asaj se çfarë ka qenë qëndrimi i SHBA, dhe kur doli në pah reagimi sovjetik i një përfaqësuesi, i fshehur brenda PD”, tha Alibeaj në një takim me ish-të përndjekur.
Më pas ai mëshoi figurës së Metës, tashmë në aleancë me Berishën. “Po si mund të vazhdojë të jetë figurë qendrore një individ si Ilir Meta, i cili përveç të shkuarës së majtë dhe që nuk e fsheh, mbart me vete, ka veshur me vete edhe atë që është ves i politikës shqiptare, të qenit dhe të konsideruarit të politikës si një mejdan ku bëhen vetëm pazare”. /tesheshi.com/
