Është zhvilluar seanca e radhës lidhur me një padi të djalit t ëish-kryemininistrit Berisha ndaj socialistit Balla, lidhur me akuzat e këtij të fundit për mospagim taksash nga ish-kryedemokrati, e gjitha në kuadër të procesit për CEZ.
“Unë i qëndroj akuzës së bërë, se qytetarët shqiptarë kanë humbur 419 mln euro nga privatizimi i OSSHE te CEZ. I bëj thirrje prokurorisë së Tiranës që mos përdorë makinacione për ta pushuar çështjen në ngarkim të Sali Berishës, Nuel Kalajt, Shkëlzen Berishës. Prokuroria të vijojë hetimet dhe me shpresën e gjithë shqiptarëve që SPAK ngrihet së shpejti le të jetë kjo një prej dosjeve që ti vihet në dispozicion SPAK”, tha Balla në përfundim të seancës.
Nga ana tjetër Berisha, Shkëlzen Berisha u shpreh se Balla nuk ka asnjë provë për akuzat. “Nuk dha asnjë provë të vetme për të vërtetuar shpifjen për evazion fiskal. U përpoq për të rikthyer vëmendjen te komisioni parlamentar që udhëhiqte”, shtoi Berisha. /tesheshi.com/
