Kanë mjaftuar vetëm disa momente të pranisë së deputetit Sali Berisha në Komisionin Hetimor të CEZ që gjakrat mes tij dhe kreut të komisionit, Taulant Ballës të ndizen e në përfundim Berisha, pasi e ka sharë dhe e ka ofenduar, është larguar qetë-qetë.
I menjëhershëm ka qenë edhe reagimi i Ballës në përfundim të mbledhjes së Komisionit. Ai ka deklaruar për mediat se Berisha është i detyruar që të kthehet në komision, duke hedhur poshtë pretendimin e këtij të fundit për vendimin e gjykatës. Balla, përsëriti edhe njëherë vendosmërinë për të rikthyer në Komisioni ish-kryeministrin Sali Berisha në cilësinë e dëshmitarit.
Pas mbledhjes së Komisionit, Balla u shpreh për mediat: “Berisha është i detyruar të paraqitet, nëse nuk e bën me dëshirë do të përdoret forca për ta sjellë”. Ish-kryeministri Sali Berisha u paraqit sot në Komisionin Hetimor pas thirrjeve të përsëritura për të dëshmuar, por qëndrimi i tij zgjati pak./tesheshi.com/
